رسالة

لا ادري من اين ابدأ الحكاية ... و لكنها مستمرة الى ابد الابدين كما يقولون , هي حكاية هذا الصراع الغير منطقي بين قلب الرجل و عقله
لا ادري لماذا يفترض دائما ان يحكم الرجل عقله في كل شئ , فما افاد العقل في اي شئ الا في امور العلم الدنيوية الغارغة الخالية من اية مشاعر او احاسيس و التي لولاها ما استطاع العالم اجراء تجاربه ... فلا شئ اجمل من الاستسلام الكامل لما يقوله قلبك لك و السير وراء المشاعر و الاحاسيس - ليس النزوات و الشهوات - التي تسمو بروح الانسان الى اعلى و تجعل الكون كله ملك يديك
فيا حبيبتي هيا بنا نتناسى القيود العقلية البحتة التي فرضتها الظروف و التقاليد و لنحلق معا في سماء الحب لا يعوقنا شئ سوى سحاب الحياء الذي يمطر على وجوهنا بضع قطرات من الخجل المحبب الذي يزيد الشوق لهفة ... هيا بنا ننطلق في حدائق الغرام متوغلين في ازهار الغزل التي تعطي للقائنا بهجة من نوع خاص ... ان كل ما اتمناه ان تذوب كل الحدود و الفولصل بين المحب و حبيبه لأن اجمل مل في اللقاء الوصل , و اسوأ ما في الوداع الفراق , و اصعب ما في الموت هو انتظاره ... فلا تجعلني انتظر موت هذا الأمل الذي اصبح بمثابة القشة التي اتعلق بها الان , فهيا قدمي لروحي اجمل هدية اتمناها في الكون كله ... الا و هي كلمة الحب الصادق المجرد من اي تناقضات و الخالي من اية شوائب قد تعكر صفوه

الحبة قبة

عندما ياتي المساء يبقى هو وحيدا في الظلام مع هلاوسه الخاصة لا احد يشعر به لا احد يهتم به كل البشر ينامون ولا يضرهم ان كان هو مستيقظا او حتى يتلوى من الالم المهم انهم نائمون تمر الدقائق عليه بطيئة كالسلحفاة يتذكر كل ما حدث اثناء اليوم بضعة اشياء تفرحه و الاغلبية الباقية تسبب له حالة لا يمكن ان توصف بالحزن لانه وصل الي مرحلة من الالم النفسي فاصبح لا يهتم بشئ و لا يضمر خيرا لكائن الا نفسه – في بعض الاحيان – لذلك فهو يقضي ليله في التعلم من هذه الاحداث – كما يقولون " تعلم من اخطائك و اخطاء الاخرين " – ولكن يسأل نفسه كثيرا ما اهمية التعلم طالما ان هذا الموقف حدث امامي و علمت الصواب من الخطأ ما اقصده ان عندما يرى الانسان موقفا معينا و يتعلم كيف يتصرف فيه و ماذا يقول يكون رد فعله مصطنعا في المرات المقبلة لأنه ادرك مفتاح اللغز او طريقة الخروج من هذا الموقف . ثم يفكر في الغد و ما سيحمله اليه من احداث تستحق الاهتمام و يود لو يأتي اليه الغد على الفور – مهما كانت احداثه تافهة او تقليدية – و يظل يفكر و يفكر حتى يغلبه النعاس .... يستيقظ في الصباح و قد نسى كل تلك الافكار هو لم ينسها كافكار و لكنه نسى كيف كان يفكر وقتها و يتسائل كيف اتاح له عقله رؤية بعض المواقف بهذه الطريقة المفزعة و هو الان يراها عادية جدا و لا تستحق حتى الحديث عنها .. يظل هكذا حتى كاد ان يجن من كثرة التفكير .. حتى توصل الى هذه الحقيقة التي اراحته نسبيا " ان المواقف في حقيقتها اصغر مما تبدو عليه و هي مترابطة ببعضها بطريقة اكبر من اي تصور او تخيل , و هذا ما يجعلنا نراها كبيرة !!! "و

لما كنت

لما كنت شاعر كان كل الغنا حزين

و لما بقيت عصفور كتروا الصيادين

و يوم ما قابلت قلبي ما عرفش انا ابقى مين

طب اعمل اية .. اية

لما كنت حلو ما كنش عندي كاميرا

و قلت قشطة يا ابيض حبتني واحدة سمرة

و كل ما انوي افوق بترخص الخمرة

طب اعمل اية.. اية

لما كنت اسد ما كنش فيه غابة

و لما بقيت مفتري مبقاش في ناس غلابة

و على ما اكتشفت النبلة كانوا اخترعوا الدبابة

طب اعمل اية .. اية

على ما افتكرت اني حر كان كل البلد عساكر امن

و قلت اعمل كحك العيد لا لقيت دقيق و لا سمن

و لما بطلت احب حبيبي رق و حن

طب اعمل اية .. اية

لما كنت قط ماكنش في فيران

و لما كنت حرامي كان كل البلد جدعان

و على ما افتكرت اني مصري

كان بقى اللي كان

و انا اعمل اية ... اية

u turn ,,, change ur life with ur will !!!

اقتربت ساعة الصقر و حان الوقت .... خد شمالك ... طلع ايدك من الشباك و شاور للي وراك ... ادي اشارة .. اليو تيرن حا تدخل ولا تكمل طريقك ؟

اقتربت ساعة الصفر , اخذ يرتدي ملابسه مستعدا للنزول مع اخيه الصغير للإطمئنان على مستواه الدراسي من خلال علاقته الجيدة بأساتذته و أيضا مستعد للقاء صديقه للذهاب الى السينما و بين الموعدين سيلتقي بفتاة تعرف عليها عن طريق الموبايل قبل ساعات من الان , ايضا هناك موعد مع اصدقاؤه ليجلسوا و يتحدثوا في المقهى المفضل لديهم ... نزل من بيته ولا ينوي على شئ ولا يعرف لمن سيذهب ... الرد جاءه بعدها بلحظات قليلة عندما تلقى اتصالات من اصدقاؤه و صديقه و عندما اغلق الخط في وجه الفتاة بعد ان صرخ بها و اخيرا عندما ذهب متاخرا ليجد حصة الماس بدأت... و هكذا انتهت الليلة قبل ان تبدأ لذلك قرر العودة الى منزله و التفكير في شئ واحد "لن يفيد نفسه الا نفسه , و لن يضر نفسه الا بنفسه.

اقتربت ساعة الصفر , و لابد من معرفة ان هناك العديد من اليو تيرنس على جانبي طريق الحياة السريع , و السير في طريق مستقيم يحتاج الى مهارة المزاحمة و السرعة و عدم التباطؤ و التركيز و الوعي الكامل لسلامتك و سلامة من حولك . أما ال يو تيرنس فهي عبارة عن دوامات ليس لها أول من اخر ما ان تدخل واحدة منها حتى تجد نفسك لا تستطيع الخروج . من السهل ايجاد ال يو تيرن و لكن من الصعب ان تجد يو تيرن لل يو تيرن .. لترجع الى حياتك الطبيعية المستقيمة !!!!و

صالة السفر

من كتر ما الحزن بقى ف دمنا و أكلنا و شربنا , حتى ف غونانا و السهر

بقت بتتساوى الحاجات , صالة الوصول تشبه تمام صالة السفر

بنادي عالقبح نقوله يا عسل يا سكر انت يا قمر

و الموت بقى مجرد خبر

تصدق , ساعات بخاف لو قلبي دق , مانا كنت قربت خلاص اقول عليه حتة حجر

عارف , رغم احتياجي للفرح لكني بتلخبط قوي لو دق بابي بدون سبب و بدون شروط

ابقي نفسي اعيش كمان مليون سنة و اقول ياريت دلوقتي اموت

معقول بقيت بخاف كمان من الفرح و م الأمل و من الهدوء

و اقلق و اقول يا هل ترى اية مستخبي و اية اللي جاي بعد السكوت

عارف , لو كل الحاجات الحلوة كان مسموح بيها و تقدر تفوت

لو كان حقيقي دة وطن مش مجرد مساحة على الخريطة و ناس و زحمة و شوية بيوت

عمري ما كنت يوم اخاف م الفرح لو دق بابي

long life arab republic of egypt

مش عارف إيه اللي خلاني اتحمق و اكتب الموضوع دة يمكن هية مسألة مبدأ , أو جايز انا طلعت بحب مصر !!! الموضوع باختصار ان في احدى مدارس اللغات الخاصة بالاسكندرية اصدر المدير قرارا غريبا ينص على ان يؤدي الطلاب تحية العلم باللغة الانجليزية بدلا من العربية ! يعني بدلا من ان يقول الطلاب "تحيا جمهورية مصر العربية" يقولون "لونج لايف اراب ريبابليك اوف ايجيبت " والله الموضوع دة بجد , و اللي قاللي عليه اخويا اللي هو طالب في المدرسة دي " و انا كمان بالمناسبة كنت طالب فيها " , لا اعرف سبب اتخاذ هذا القرار الغريب الذي ينم عن جهل شديد بأبسط القواعد و الأسس و هل هو قرار المدير وحده ؟ أم بأيعاز من أحد ؟ و من هو هذا الذي يأمر مديرا لمدرسة مصرية جميع طلابها من المصريون هذا الأمر الغريب ؟ الأرجح أنه محاولة للإنفصال عن الكيان المصري و مدارس الحكومة "البلدي" اللي بيقولوا تحية العلم بالعربي ياي !! اخويا سألني و قاللي" اعمل اية ؟ اصل صحابي اتفقوا ما يقولوش حاجة خالص وقت تحية العلم فرحت ان العيال "مع الاعتذار لأخويا" اللي في ثانية ثانوي فاهمين ان ده غلط و قلتلوا " لا قولوا التحية بالعربي و محدش حايقدر يعملكوا حاجة انما ماتقولوش خالص لأ " المهم بعديها بسأله " ها عملتوا اية ؟" قاللي "في حبة قالوا بالعربي و حبة سكتوا و كتييييير قالوا بالانجليزي !!!" قلتلوا " ليه كدة ؟" قاللى " اصل دة طلع قرار علي كل مدارس اللغات " قلتلوا " و انت قلت بأنهي لغة ؟ ولا ما قولتش خالص ؟" قاللي " يابني انا ما روحتش اصلا الكلام دة هو و حكاية ان القرار طلع على كل مدارس اللغات عرفتو من الدرس , انا كان امتحان كيمياء في الدرس يابا , انا فاضي اروح احيي العلم بالهندي حتى "!!! ء

الحقيقة قطة سوداء فى غرفة مظلمة يبحث عنا رجل اعمى والقطة لاوجود لها .. لا القطة دخلت الغرفة ولا الرجل يتوقف فى البحث عنها.. والغريب أن الله وضع الحقيقة امام اعيننا واضحة.. ولكن لا نراها . وان رأيناها لآ نبصرها وأن أبصرناها لا ندركها وأن ادراكناها لا نفهمها وأن فهمناها لا نؤمن بها وأن امنا بها لا نعمل بها ... والناس فى الدنيا تنقسم الى هذة الاقسام فهناك من يرى فقط ومن يبصر ومن يدرك وهكذا .. ومن احصى كل تلك المراحل لة فى الارض السلام وفى السماء الجنة... والان هل ترى الحقيقة ؟؟؟؟؟؟

كنت فاكر .. أن الدنيا براءة و طيبة كله بيوعد كله بيوفي

كنت فاكر .. إن القسوة مش موجودة و لو موجودة لا يمكن تأذي

طلع الشر الأساس مفيش حب و إخلاص

و صعب تلاقي طيب واحد بين الناس

...

كنت فاكر .. إنك لما تلاقي الصاحب يفضل جنبك ما تفارقوش

كنت فاكر .. إنك لو اديته سرك كتمه كأنه ما سمعهوش

لقيت مفيش أصحاب كله جمايل مصالح

و لو احتجته مرة يقولك مالي صالح

...

كنت فاكر .. أنك لما تحب بقلبك يبقى حبيبك كل حياتك

كنت فاكر .. يبقى معاك فرحك و عذابك , لما تغيب يصون غيابك

اتاري الحب كدبة بيعيشها الموهومين

و الحب في الزمن دة للمال و الكدابين .

شيش جهار

فجأة لقينا نفسنا... مع ناس بتحبنا
ما سألناش ليه... و اية هو اصلنا

كبرنا و فات الوقت... و لية جايين دلوقت
عايزين نعرف حاجا ت... اولها كان الوقت

هو احنا ليه عايشين... على الارض مش فاهمين
و كنا فين قبلها... و على فين رايحين

و ليه بتحصل ساعات... و احنا عايشين حاجات
ما ناخدش بالنا منها... و نقول العمر فات

احنا عايشين عشان... نصلح اللي كان
و نحاول نبقي دايما... احسن من زمان

لازم تحدد مصيرك... ما تسيبش عقلك لغيرك
و قليل في الزمن ده... يحب الخير يجيلك

خليك قد القرار... و بلاش الانتظار
دة محدش عارف عمره... و الدنيا ... شيش جهار

بحبهم برضه !!! ء

المرأة في سن العشرين بتبقى عاملة زي السيجارة الكليوباترا , لازم تفركها قبل ما تولعها

و في سن الثلاثين بتكون زي المارلبورو الاحمر , سالكة و حامية لكن كترها مضر بالصحة

و فى الاربعين زي الشيشة , لازم تغير لها الحجر كل شوية

اما في سن الخمسين بتبقى زي السيجار, بيطفي لوحده

و في الستين بقى بتكون زي الميريت الازرق ... ماتحسش انك بتشرب سجاير اساسا !!! ء